Бас бапкер Какау футзалдан әлем чемпионатының іріктеу кезеңіндегі алғашқы сырт алаңдағы матчқа арналған шақырылған ойыншылар тізімін жариялады. Іріктеудің екінші турында құраманың қарсыласы — Беларусь құрамасы.
Қыркүйек айындағы құраммен салыстырғанда тізімде жалғыз өзгеріс бар: Ержан Карменовтың орнына Дамир Қайырбай шақырылды.
Ойыншылар Словакияның Гуменне қаласында бүгін басталатын бір апталық оқу-жаттығу жиынын өткізеді. Жиын аяқталғаннан кейін, 10 қараша күні, құрама Беларусь құрамасымен кездесуге шығады.
