«Атырау» футбол клубы жас футболшыларды дамыту үшін жаңа серіктестік орнатты. Клуб скаутинг, аналитика және агенттік қызметтер саласында жұмыс істейтін «Orda Sport Management» компаниясымен ынтымақтастық туралы келісімге қол қойды.
Бұл серіктестік жас футболшылардың кәсіби өсуіне, қабілеттерін шыңдауына және Қазақстан мен шетелдік клубтарда өздерін көрсетуіне жол ашуды көздейді.
Ынтымақтастық аясында «Orda Sport Management» компаниясы «Атырау Жастары» командасының үш футболшысымен агенттік келісімшарт жасасты.
