«Қайрат» Конференция лигасының екінші турында «Панатинаикостен» жеңілді. Матчтан кейін клуб шабуылшысы Марк Гуаль ойын туралы пікір білдірді.
«Менің көңілім толмайды. Біз жеңілдік. Менің ойымша, біз бұдан әлдеқайда жақсы ойнай алар едік», — деді ол.
Гуаль қарсыластың деңгейіне де тоқталды.
«Олардың деңгейі жоғары болды. Олар қақпаға әр соққы жасаған сайын гол соқты. Біз олай жасай алмадық. Бүгін олардың қандай сапалы команда екенін көрдік», — деп толықтырды футболшы.
