«Қайратпен» ойыннан кейін футболшы «Ақтөбе» жанкүйерлеріне арнап жылы сөздер айтты және оларды жылы қабылдағаны үшін алғыс білдірді. Оның айтуынша, бұл қаладағы соңғы үй матчы болды.
«Бұл менің Ақтөбедегі соңғы үй матчым болды. Бұл керемет оқиға аяқталуға жақын… Бірақ бірге қандай тамаша жолдан өттік! Осы ұлы клубтағы барша жанға, қаланың керемет тұрғындарына және Қазақстанның түкпір-түкпіріндегі адамдарға бірге өткізген сәттеріміз үшін және мені осыншалықты жылы қабылдағандарыңыз үшін алғыс айтамын», — деді Нани.
Футболшы лигада әлі бір матч қалғанын атап өтті. Сонымен бірге осы кезеңде сезінген жылулық пен жинаған естеліктері жүрегінде мәңгі сақталатынын жеткізді.
