Гари Линекер Криштиану Роналдуға GOAT — барлық уақыттағы үздік ойыншы атағына үміткер деп санамайтынын айтты.
«Криштиану бұл пікірталасқа қосылмаса, ренжитінін білемін. Бірақ әділ болуымыз керек. Роналду керемет, шынымен де керемет — сөзсіз, барлық уақыттағы ең үздік ойыншылардың бірі. Оның гол саны бойынша рекордтары Мессимен бір деңгейде. Бірақ ол кейбір басқа дүниелерді жасай алмайды. Ол төрт ойыншыны қатарынан алдап өте алмайды, алаң ортасындағы қиын жағдайдан шығып, саған: "мұны қалай жасады?" дегізбейді. Оның алаңды Месси мен Марадона секілді көре білетін көзқарасы жоқ. Мен бразилиялық Роналдоны Криштианудан жоғары қояр едім. Бұл ойыншыларды Зидан, Неймар және Мбаппемен шамамен бір деңгейге қоямын».
