Қазақстан құрамасының бас бапкері Джон ван ’т Шкип Фарер аралдарымен болған 1:1 есебіндегі тең ойыннан кейін матчқа баға берді.
«Есепті теңестіргеннен кейін допқа көбірек ие болып, ойынды бақыладық. Алға ұмтылып ойнадық. Мүмкіндіктеріміз болды, Ян гол соғуы мүмкін еді. Бірақ есеп 1:1 болып қалды.
Фарер аралдарында кез келген құрамаға ойнау өте қиын. Сондықтан бүгінгі нәтижені әділ деп санаймын. Алғашқы қиын сырт алаңдағы матчтан бір ұпай алу — жақсы нәтиже».
